【哭哭】手電突死機 陳家樂救返冇晒新相

陳家樂好唔開心，手電入面冇晒16年至20年嘅新相，事緣係咁嘅，「話說今日一起身，iPhone 突然黑畫面，攪左全日都用唔到，之後開始上網搵方法又攪咗成晚，最後我開返部機，但近1年嘅相冇晒，而部機入面全部係2016嘅相，%/$&&$&!!!#%^^!」啲符號代表咩大家都好清楚，另外佢hashtag尋回了青春、憎死iphone、唔該最近一年幫我影過相嘅朋友send番相比我同埋我醒唔起點解2016我會擺咗個咁嘅pose。

好多人留言問佢點解唔畀錢升級iCloud，咁就唔怕唔見電話或死機後冇晒啲資料啦，估計早前斥資半億購入何文田豪宅嘅家樂唔係因為孤寒唔願畀錢，應該無為意，咁快啲搞搞佢啦。