容祖兒自薦做蔡一傑演唱會嘉賓 蔡一傑：做和音

容祖兒紅館演唱會昨晚來到第15場，請來了草蜢三子做嘉賓，祖兒與草蜢先合唱《失樂園》，繼而再因為祖兒點唱，再合唱《ABC》，蔡一傑問祖兒，為甚麼點唱《ABC》，祖兒就笑說：「我鐘意囉，好聽囉，開心囉。」

台上四人聊天期間，祖兒恭喜傑仔即將開個人演唱會，更自薦擔任嘉賓，誰知傑仔反問:「你係咪好想，我有個空缺，你想不想玩另類d，做下和音？」祖兒呆一呆話，「我唔熟喎！」接着傑仔再說:「 我諗下.....」祖兒聽到「諗下」即刻大笑，傑仔解釋：「我唔係推你意思呀，你來我絕對歡迎啦，咁大家記住來睇啦，有祖兒呀。我係吾好意思呀...... 你作為一個天后級.....」祖兒即刻話，「你咁難得自己開演唱會，你點需要唔好意思呀你！你又係小野咩！你都係Diva！」

此外，蔡一智大爆祖兒趣事：「有一次去行山，路線圖好崎嶇，有一段要行落馬路，我重諗緊佢貴為天后，怕唔怕，點知佢竟然雀躍起上來，重係馬路上面單腳彈彈下，又話好開心，咁大個女未試過係馬路行架，好crazy囉！我幾驚佢比大巴士撞。」