容祖兒幫手集氣開演唱會 謝霆鋒：再推我就唔開啦！

容祖兒紅館個唱昨晚舉行第13場，是晚祖兒請來久未在紅館跟觀眾見面的謝霆鋒當嘉賓，介紹霆鋒時，她說，「如果張敬軒係靚仔，佢係超級靚仔，人平時好chok，但係佢有一顆溫柔的心，因為我見証過！」，之後祖兒更唱出霆鋒的首本名曲《玉蝴蝶》。

對於祖兒說：「謝霆鋒一路好想繼續跟大家開演唱會，你地想唔想？」觀眾立即起哄，但霆鋒表示:「話時話，我想同呢個空間講，紅館呢個空間呀，我入左紙兩年，一次又一次被推翻，再推我就唔開啦。」祖兒不知是不是怕霆鋒把話說得太盡，隨即幫忙打圓場，「鋒哥，千錯萬錯都係我錯，唔好咁講，你知不知我呢個騷也拿了很內期先有，無論等到邊一日，今年又好，下年又好，總之大家都會等你啦，係咪？」觀眾就報以歡呼聲和應。

接著二人再邊合唱《阿門》，邊唱邊同觀眾握手，祖兒就不停同觀眾講，「係咪好靚仔？不老的傳說呀！食左防腐劑呀！」