網上瘋傳年尾娶宣萱 古仔：唔係事實唔回應

由劉德華擔任監製兼主演電影《掃毒2天地對決》，其主題曲由華仔及古天樂合唱，冇份唱的苗僑偉（三哥）笑言不及古仔唱得好，原本古仔不唱國語版的話，就會由他唱，不過廣東話版本唱得太好，於是自己毋需唱。另外，對於網上瘋傳於年尾娶宣萱，古仔表示不是事實不回應，至於談到不少網友指兩人合襯，他均表示不回應。

談到太太戚前美珍（三嫂）指他聲底好，三哥說：「華仔同我登台就知，我唱完第一句，佢地唱唔到落去，因為第一句我就唱咗最後一句，啲歌詞亂晒籠。」當提議若開拍第三集，他與華仔和古仔組成一隊Band，三哥表示可以考慮，在旁的古仔笑言三哥無論說什麼也會認同。

問到有份參與唱主題曲可有唱上癮？古仔說：「無話咩上唔上癮，但我好怕聽自己唱歌，華仔叫我聽play back，我都話唔聽，你聽啦！」在旁三哥即搭嘴說：「你係歌手喎。」古仔笑謂自己沒有做歌手好耐，三哥再追問指古仔去年得到音樂獎項，古仔則謂自己不想，而華仔指古仔雖然不想聽自己把聲，但大家想聽古仔把聲。當建議該片舉行慶功宴，不如古仔獻唱，古仔說：「其實開心幾時唱都得。」