曾質疑揸車衝入港鐵火拼橋段 古天樂：就咁聽好誇張

電影《掃毒2天地對決》自開鏡當日已曝光搭建出一個1:1的中環港鐵站，原來是預備劉德華、古天樂、苗僑偉（三哥）最後火拼的地點。三哥表示開工首日就開始進行拍攝，總共拍了十多日，他解釋：「因為劇組係依照實際嘅地鐵站尺寸，所以分為幾個部份，拍完撞爛咗就轉另一個景，月台嘅拍攝又去返實景中環站拍，所以過程係好複雜。」
在拍攝前，就連古仔都對場景及劇本感到懷疑，因為戲中會在地鐵站飛車，故說：「要揸架車衝入地鐵站，然後經過售票處，再衝落月台，成件事就咁聽都覺得好誇張。」華仔則謂經過之前《拆彈專家》的紅隧搭景後，已經覺得沒有其他場景導演邱禮濤是處理不到，說：「創作技術方面完全無問題，加上老闆大力支持，所有嘢都進行得好順利。」

回到實景中環站進行拍攝的當天，正好是三哥的煞科日。被問到實際的中環站與搭景的分別時，他表示其實分別不大，更笑說：「搭景就好似我平時去搭地鐵咁，如果大家要捕捉到我就比較難，不過合照當然係無任歡迎啦。」古仔亦大讚：「地鐵站係日常可見，所以觀眾係會感覺到場景夠唔夠真。依家企喺呢個真嘅中環站，對比一下，更覺個景搭得好逼真。」整套戲拍攝了3個多月，三哥表示雖然這個暑假很熱，但過得好充實，並笑說：「最深感受就係可以同監製生講聲放心，任務完成，可以按時殺青！」