關心妍巡唱首站感動落淚　重提「攞錯獎」事件

關心妍（Jade）前日（13日）舉行入行18年首次內地巡唱，第一站來到廣州。開騷不久，Jade已被台下熱情的歌迷感動到喊，Jade說︰「內地的巡迴真係等咗好耐，一直都等一個啱嘅時機，好多歌迷十幾年都未見過面，今次第一次見，仲見埋我個囡囡。」

Jade的女兒心心第一次見到媽咪在台上表演，全程high爆拍手又跳舞，又跟Jade穿上陳華國度身訂製的親子晚裝，更成為歌迷的集郵目標。

心心下星期便3歲生日，Jade叫歌迷齊齊唱生日歌，誰知大會秘密安排了生日蛋糕，順道祝賀本月尾生日的Jade，一向「懵下懵下」的Jade頓時反應不來，大叫驚喜。唱到《龐貝·21世紀》，Jade重提當年「攞錯獎」事件，她說：「好多人都唔認識呢一面嘅我，好大意、成日發夢，呢首係我08年一個金曲獎，對我意義好大，除咗搞笑之外，咁rock嘅歌亦係另一面嘅我。」