趕赴現場安撫圖尋死年輕人 杜汶澤落淚：咁樣走咗屋企人會好痛心

過去一個月社會充滿不少爭議，有多人因不同的原因結束生命。演藝人杜汶澤今早在社交平台發文，指收到同事傳來訊息，指有網民有意輕生，杜汶澤大為緊張，立即駕車飛奔現場，更在鏡頭前落淚，最終成功尋獲事主。其後杜汶澤更上救護車伴隨事主送院，向事主苦心相勸，他並自問「我哋上一代，除咗指責年青人之外，其實係咪仲有好多嘢可以做呢？」

杜汶澤透露，上午接獲同事告知，一名年輕人企圖輕生，杜汶澤於是向對方發訊息安撫，並駕車尋找不果，於是落淚呼籲對方回應。其後事主回覆杜汶澤，稱身處自己座駕裏面，拒絕開車門出來，稱杜汶澤改變不到他主意。杜汶澤將車停在路邊，「勸佢比我見佢同佢當面傾。佢話佢好攰。我話我做人做咗47年我都好攰，但係咁樣走咗屋企人會好痛心！」經過一輪勸告，事主答應親身見杜汶澤。

當杜汶澤駕車快抵達現場時，有途人發現事主倒臥汽車旁邊於是報警，救護車到場將事主送院。杜汶澤為對方保管錢包手機，上救護車一同送院幫忙辦理手續。醫生經檢查指事主脫水同缺氧，但已經無大礙。杜汶澤向事主母親傾談一段時間，了解事主近況後，再入病房開解事主。

杜汶澤事後指，「始終大家單親家庭長大，我又經歷過，都有啲嘢可以同佢分享下。離開醫院嘅時候，我響度諗，係咪應該做多啲年青人心理輔導嘅工作呢？我哋上一代，除咗指責年青人之外，其實係咪仲有好多嘢可以做呢？」杜汶澤希望，「我真係好想、好想，做多啲。因為大家都係香港人，應該不分你我，做得幾多得幾多！直到做唔到為止⋯⋯」。

防止自殺求助熱線：

撒瑪利亞防止自殺會 ； 2389 2222 ； [email protected] ； 24小時 ； 廣東話

撒瑪利亞會24小時多語服務 ； 2896 0000 ； [email protected] ； 24小時 ； 廣東話

青少年生命專線Youth Link；2382 0777；下午2時至凌晨2時 ； 廣東話

生命熱線 ； 2382 0000 ； [email protected] ； 24小時 ； 廣東話

向晴熱線 ； 18288 ； [email protected] ； 24小時 ； 廣東話