接受杜汶澤道歉 程美段拒再合作否認割蓆

在無綫節目《美女廚房》擔任美女學徒的程美段（Kiwi），早前因被為杜汶澤的網上煮食節目拍攝後被拖欠人工，雙方隔空駁火，昨日杜汶澤終分別在網上及於網上節目中公開道歉後，今日程美段在網上表示，接受杜汶澤道歉，又引用杜汶澤執導電影《空手道》的一句宣傳語句︰「在艱彌厲，戰鬥到底」以證自己的堅定。

Kiwi在Facebook上載一段長文表示：「啱啱收到杜汶澤先生真誠嘅道歉，我程美段公開表示接受，同時欣賞你願意喺幾千人嘅直播中和解呢件事，非常欣賞。好多網民估我哋呢單大龍鳳，最後我同杜生可能係世紀大和解，齊齊再上LateShow Super，呢個說法實在太侮辱我哋雙方，我相信彼此當初每一隻字都係真心真意，絕無造假。所以小妹為保我同杜生嘅聲譽，只好厚住面皮單方面咁宣佈唔會再同LateShow呢個平台合作，此舉絕非割蓆，只係唔想一個70萬人嘅平台俾我有所污衊，喺度程美段祝LateShow欣欣向榮，快啲勇闖百萬。

成件事正式完結，呢篇文章亦都係最後一次回應，就算嚟緊有幾個因為呢次事年而得到嘅甜頭專訪，我都向記者表明唔會再講一字一句，小妹喺度帶定頭盔，希望記者們多多包涵。

嚟緊程美段都會努力工作，仕途如何我都會按自己方向努力加油，人最緊要就係堅持，就好似香港人成日講嘅自強一樣，呢個世界無人幫到你，就算話有，都係呃你。」

最後還引用《空手道》的一句宣傳語句︰「在艱彌厲，戰鬥到底」以證自己的堅定，以𠔏勉之添。