【維港會】燈飾鋪亂貼搬遷清貨啟事 網民：似小朋友重組句子

不少商鋪結業或搬遷前，都會在店外張貼搬遷啟事或清貨啟事。有網民就發現馬鞍山一間燈飾鋪，櫥窗玻璃上張貼了毫無次序的大字告示，令網民一頭霧水，駐足在前數分鐘，更向網民請教。

網民Dumson Lam在facebook群組「馬鞍山之友 MOSers（Since 2014）」上載相片，留言：「經過新港城間燈鋪.....我企左係門口睇左一陣都睇唔明🤔🤔🤔🤔有冇人可以解讀一下？」，網民表示在馬鞍山商場內見到有燈飾店在櫥窗玻璃上，亂貼了21張大字告示。他稱自己駐足在前思考一番，但仍然看不懂。相中可見，21張大字未有跟次序排列，因此未能看出完整句子。

帖文引來不少網民留言，網民紛紛嘗試將句子重組，「最後倒數 七月八日清倉搬遷 有靚快手免費送貨」、「最七搬倉 八後清貨 手快免費 送靚月月 有開數免遷」、「八月搬遷，七月開倉清貨，最後倒數，免費送貨，靚貨手快有。」，有人就指出該搬遷清貨啟事非常成功，「令到你停低睇佢已經成功左」，有人更形容是小朋友的重組句子！