連詩雅陳嘉莉大玩SM 反鎖白健恩櫈上鞭打

由何珮瑜 ( Jeana )、連詩雅 ( Shiga )、雨僑 ( Ava ) 、陳嘉莉（Kelly）及鄭欣宜（Joyce）主演的話題網劇《性敢中環》，有不少大膽劇情，最新一集講到Shiga和Kelly應白健恩的邀約，到一間SM地下酒吧，換上SM套裝的她們，大玩皮鞭及有味玩具，非常破格。

2女第一日便要拍攝這場SM戲，而且2人本身並不認識對方，Shiga指：「啱啱識Kelly， 第一場就要同佢拍呢場戲，初頭有少少尷尬，因為要著SM衫，同埋成個地方佈置到真係好似SM party。自己本身對呢樣嘢有少少恐懼，太激，所以自己會覺得唔係好舒服，但興幸拍攝環境冇想像中咁恐怖，現場其實仲有很多笑位，例如有場戲要扮鞭打大家時，其實大家都忍緊笑，所以整體氣氛其實幾輕鬆和得意。」

至於今次在劇中最大膽演出，與多位男主角床戰、飾演性濫交富家女的Kelly則表示很開心：「我覺得做演員最開心係可以嘗試到唔同嘅角色有唔同嘅體驗，今次戲中角色的確係有挑戰嘅，因為角色同我本人性格喜好上亦有一定差距，好在有同我有過對手戲嘅演員都相當專業，事前都會溝通了解，所以到拍嘅時候就會無咁尷尬。」

至於SM情節，「因為係我開戲嘅第一日拍攝，大家都有啲緊張，有一幕係我將白健恩反鎖喺櫈度鞭打，而櫈上面嘅機關都幾危險，最後都算順利完成，不過男方隻手真係整親咗少少。」