連踩兩日通告收工即嘔 龔嘉欣耳水不平衡冧廠入院

正忙於拍攝劇集《大醬園》的龔嘉欣，於社交平台貼上病房照，留言：「結果都係要黎（嚟） 耳水不平衡嘅問題比之前更加嚴重 尤其是係耳鳴同頭暈 呢幾日可能真係瞓得比較少 所以都出現嘔嘅情況 我已經盡量係（喺）拍攝嘅時候 冇表現出黎（嚟） 亦都唔想大家擔心我 放心就快拍完 幫我加下油 就得㗎啦 頂得住 💪🏻 #女鐵人 #10年功力 #捱得住。」好友胡定欣、張繼聰、曹永亷、黃翠如、林奕匡和網民都留言叫她保重身體。
其實凌晨時份，嘉欣先在ig story留言不適，「呢幾日 耳水不平衡 又嚴重返 耳鳴得好犀利 踩咗兩日通告 又唔記得帶藥返工 啱啱拍完返到屋企…嘔 聽日繼續 演員嘅工作係真係唔容易 不過呢10年我一樣係咁捱 所以唔會難到我」。