想同群姐拍警匪劇 歐陽震華客串情深對望強忍住笑

歐陽震華（Bobby）到中環出席活動，提到早前被影到買瑤柱當零食，他笑言報道後瑤柱都加價，將來若想轉型會考慮賣海味。

對於他客串的兩集《愛·回家之開心速遞》反應好，網民力捧「好睇過台慶劇」，Bobby說：「唔好咁講，只係少食多滋味，其實我冇乜演技，只係好忍得笑，當我同群姐（許思敏）情深對望時，其他人都在旁邊笑，其實群姐係宜古宜今，以前楊貴妃都可以好靚架。」Bobby指無綫高層曾勵珍對劇集反應好滿意，會否再拍要看公司指示：「或者吊下大家癮啦！」

Bobby又大讚《愛回家》編劇用心，特別安排他與群姐以古裝合作才不致突允，特別是梁祝一幕更安排以舊式方法廠景拍古裝，其大頭蝴蝶CG被朋友笑似蒼蠅。Bobby表示將回到TVB拍警匪新劇：「三男三女主角、有萬綺雯同陳瀅、馬德鐘、楊明。（最後一位女主角是群姐？）等我提議下，再問問劇組放唔放人先。」