45歲蔡少芬懷第三胎 張晉稱是意外

45歲蔡少芬與老公張晉宣布有第三胎！張晉傍晚在微博發布夫妻「罵戰」短片，大玩上月泰裔男子與巴士車長發生口角的片段，互相質問「你有咩問題」，張晉在最後以一句「係個肚度係咪有一個人？」，蔡少芬則以「係啊」回應，幽默宣布喜訊。

張晉回應稱：「BB都有一段時間，男定女冇得揀，所以唔揀啦！係乜嘢就係乜嘢，到時候就知，總之開心嘅，多謝大家，其實唔係計劃，係意外，上天要畀咁我哋就好開心接受啦！」即將踏入46歲的蔡少芬雖然算是高齡產婦，但二人都非常期待小生命的來臨。

張生張太在片段開首「嗌交」，不停互相「你有咩問題？」「我有咩問題」往來，令觀眾不明所以，張晉又再講「一個人」、「十個月」、「點解」，更用重慶話連珠炮發。張太非常不耐煩地問「你想點啫？」，更作勢要致電經理人威脅張晉。

張晉遂直接問「係個肚度係咪有一個人？」、「我嘅？」，張太則直截了當回應「係啊」，2人再「咁你有咩問題？」、「冇問題啊」，再望向鏡頭問觀眾「咁你有咩問題啊？」。蔡少芬宣佈喜訊後，笑著問張晉怕不怕要捱十個月，張晉即伸手輕摸蔡少芬下巴，然後深情地說：「驚咩呀？」二人露出一臉幸福笑容，大放幸福閃光彈。

蔡少芬與張晉於2008年結婚，婚後育有8歲長女張楚兒和6歲幼女張信兒。2013年幼女出世後，蔡少芬曾揚言收爐封肚，無意再為張家添男丁。去年老婆在社交網分享懷孕舊照，被誤會再度懷孕，張晉亦謂兩個夠了，兩個女已搞到他團團轉，再生一個不知怎算好。