鄧小巧作曲連拍MV 芬蘭極速72小時完成新歌

寰亞歌手鄧小巧早前與音樂監製兼創作人馮穎琪、謝國維、藍奕邦和MV導演Sheng等飛往芬蘭，會合當地監製Leo Jupiter，展開一連10天創作之旅。其中新歌《精神餵飼》，由作曲、填詞、編曲到完成錄音，僅花了72小時，連MV都在芬蘭取景，百份百Made in Finland。

被譽為「治癒系歌手」的小巧，決定挑戰自我，在音樂路上開創更多可能性，在3月推出唱片《No concidence》後，拒絕休息放假，隨即與創作團隊出發芬蘭，為下張唱片炮製新歌，成功花3天完成了《精神餵飼》，更完全顛覆過往小巧的音樂風格，創造了另一個她。小巧說：「可能真係身在外地，創作靈感特別多，被當地生活文化衝擊，加上當地監製Leo Jupiter，同埋我本身嘅創作班底馮穎琪、謝國維、藍奕邦，連埋我5個人困喺錄音室一齊作曲、填詞、編曲和錄音，無論音樂聲、我主唱把聲同埋和音都一次過3天搞掂晒，第4日就拍埋MV，一氣呵成，好攰但好刺激，好滿足。同Leo合作好多火花，佢有好多新諗法，放埋一齊好得意！」《精神餵飼》歌詞反映現在很多人依賴上網，瀏覽不同平台去「養活」他們的「精神」，有人喜歡留言批評，同時亦有好多人渴望批評而獲存在感。

首次在芬蘭拍MV，小巧穿梭芬蘭大街小巷、特色廣場、地鐵站、月台、列車、碼頭和公園，小巧說：「今次我哋喺芬蘭去咗好多地方拍MV，喺地鐵站、碼頭、好有趣嘅廣場取景，周圍拍嘢都無乜人理我哋，好多空間，申請手續又唔複雜，好舒服。」鏡頭前衣衫單薄好瀟灑，事實上她被大雨和風雪吹到手腳僵硬，就算穿羽絨又披毛毯都頂不住，工作人員爭相擁抱為她人肉取暖。小巧笑說：「每次嗌Roll機就落雨、落雪，仲特別大風，一停機就出太陽，唔通芬蘭唔鍾意我？」話雖如此，但她沒有被打擊，揚言繼續歐洲創作之旅，下站希望到瑞典和丹麥。