愛妻號王祖藍剝蝦遞筷子 李亞男冧到爆

藝人王祖藍出了名是愛妻號，自老婆李亞男去年底誕下愛女Gabrielle後，更是對她寵愛有加，尋日佢喺社交網拍片示範剝蝦，更邊剝邊霸氣大叫別動，米以為佢咁大膽鬧李亞男，聽落實情係，佢叫老婆停手，霸氣話：「剝蝦這種事情輪得到你來做嗎？」，聽見都冧爆。

相中，祖藍都一開始就扮嬲大叫：「別動！」，再用超強Man爆語氣話：「誰讓你剝蝦的？別動！剝蝦這種事情輪得到你來做嗎？你知道我剝蝦是為了讓誰吃呢？女人！」

跟住就將一碗剝的蝦放在對方面前，再以Man爆語氣遞上：「筷子」，相信無乜邊個女人會唔冧。難怪李亞男隨即用英文留言：「what a lovely and cute hubby（有趣又可愛的老公）」。

不少網民留言，要另一半學佢！