鄧麗欣忙到瘦 Plan 6月尾或飛台灣會王子

鄧麗欣（Stephy）到元朗為美容中心擔住開幕嘉賓，談到保養她直言很懶，平常工作忙及夜瞓時會敷面膜。

Stephy指最近忙拍新戲《殘影空間》，角色比較沉重，發現自己精神比較差，問到是男友邱勝翊（王子）貼心發現？她笑說：「自己發現的，但佢都有提到。（佢發現你有乜唔同？）可能冇咁活潑，傾計時Feel到，人冇咁多笑容，同埋瘦咗，因為我呢排食少咗。」

Stephy指王子亦要忙拍劇，希望稍後有時間可以計劃去旅行：「只係Plan吓已經好開心，少咗時間見面，我哋本身已經係遠距離，6月尾拍完戲會有一星期假。（飛台灣找男友？）有時間都會，雖然唔覺係旅行，但離開香港就冇咁多電話、冇咁多嘢做。」