亨利拆局│練馬師王吼伍鵬志

踏入季中之後，上述倉口都加強攻勢，短期內自然值得跟進。不過有些馬房已回氣一段時間，提防隨時發難，例如伍鵬志近七次在練馬師王有三次雞蛋，最叻也不過得十分，今期陣容唔似講玩，小心靜極思動。

第五場「天足貓」今季在三個場地都有佳作，性能不拘一格，其中以292場次贏田草千二表現最好，雖然放頭大賺慢步速，但總時間能快過標準，末段加速力驚人。上仗移師谷草隔紗回氣，今次返田草兼配十磅仔，有權再次一放到底。

第二場「興高采烈」上仗跟前有省馬味道，今次排五欄會有遮擋，對手太弱可入三甲。第四場「俠客行」上仗降班即郁手，可惜相對頭二馬蝕步速，今次改配田雞有助發揮後勁。

第九場「飛鷹翱翔」上仗只贏同齡馬，未算證明太多，但畢竟放頭蝕盡快步速，仍要尊重。第十場「八心八箭」上仗與「電氣騎士」拍住同放，本身走二疊也較先衝綫，既然後駒再出也入Q，可予調升評價。

目標：伍鵬志

賠率：10

立即下載 | 全新《星島頭條》APP : https://bit.ly/3yLrgYZ