實測新單車徑 田二少畀劣評

新冠疫情下，港人愛上郊遊，單車友亦愈來愈多。實政圓桌議員田北辰日前就化身單車友，踩單車實測屯馬綫單車徑。

田北辰在fb話，平時放假都會帶啲孫踩單車，今次實測的路段由元朗去上水，全程十一公里。他聽聞這條新單車徑一波三折，七上八落，九曲十三彎，於是決定身先士卒試探下路。

他早上十一點在元朗單車匯合中心出發，踩到上水雙魚休憩處，一點完，十一公里踩了兩個鐘，都算慢速。他說全程最大感受就係新單車徑「中止待續」嘅威力，為安全、跟足規矩，粗略計算都要中止至少四十次。另外仲有啲個別問題，例如部分路段指引唔清晰、燈位太耐、甚至有「消失的單車徑」等等。

經過今次實測，田北辰話暫時就唔會帶啲孫踩足呢十一公里啦，最多都係踩下雙魚河嗰段。

維港會