樂●活｜為環保揀飲擇食

揀嘢食嘅時候，大家除咗注重味道、所攝取嘅營養之餘，亦愈重視是否達環保、可持續發展等因素，因而不少人會將植物性食材、有機食材等加至日常餐單。

最近就有新植物肉可以喺香港食到！由雀巢自家植物肉品牌HARVEST GOURMET就推出一系列預製及非預製的素肉產品，最近更與Test Kitchen合作，創作多款多國菜式來演示HARVEST GOURMET的可塑性，包括台式黑椒植物牛肉刈包、日式咖哩無肉酥炸排配自家製印度薄餅、泰式植物豬肉墨西哥夾餅、越式春卷‧無肉炭烤條配花生醬等，橫跨不同菜系，而每一道均別具特色。

採用非基因改造大豆蛋白製成的HARVEST GOURMET，含豐富蛋白質及膳食纖維來源，每100克產品含有0毫克膽固醇及0克反式脂肪，一口氣推出無肉炭烤條、無肉酥炸排、無肉漢堡、免治植物牛肉及免治植物豬肉，除植物豬肉外，其餘產品更得到清真認證，照顧有宗教人士所需。大家去餐廳點餐時，可多加留意呢款新素肉選擇。

除咗素食，有機食材亦都係關注環境，以及追求健康人生嘅另一食材之選，除咗平時成日聽到嘅有機蔬菜，仲可以選擇有機水產。香港有機資源中心就會喺嚟緊嘅星期日（11月7日）早上11時至6時，喺赤柱廣場舉行本地有機水產節2021，大家除咗可以通過唔同嘅活動、展覽了解更多有關本地認證有機水產嘅資及低碳生活小貼士等。現場仲有多間本地有機漁場，包括有機海產發展先導計劃、富琴有機火龍果生態農莊、西園、明輝農莊等擺設攤位，即場售賣有機水產，仲有5間本地有機認證農場及4間有機零售商，售賣時令有機蔬菜及其他有機食品和產品，方便大家可以買返屋企煮大餐，實行響應綠色低碳生活。

最近更有In The Moo For Love愛牛愛地球活動，由即日起，可在www.inthemooforlove.com網站以$250訂購愛牛愛地球純素午餐便當，當中食材採用疏菜或Impossible植物肉附送Take環保飯盒及環保袋，更有Ice Age! 雪糕乙杯。而由即日至11月11日在指定零售點可以$10換購Ice Age!無牛乳清蛋白雪糕署或，而11月8至14日則可加$10換購Ice Age! 聯乘the cakery推出的無蛋蛋糕。每售出一杯無牛雪糕或一件無蛋蛋糕，高盛和瑞銀都會作出等額捐款，支持環保組織世界資源研究所及大自然保護協會。

 

作者：Laurie Wu（愛保健愛旅遊愛購物的熟女）
[email protected]