樂●活|愈辣愈過癮!

2021-10-08 16:30
鍾意食辣嘅朋友,相信都會同意,愈辣愈過癮!

睇過唔少人介紹喺東京備受熱捧嘅鬼金棒辣麻味噌沾麵,等了又等終於可以喺鬼金棒嘅香港店食到!辣麻味噌沾麵嘅特製獨家濃厚湯汁混合使用了米味噌和八丁味噌作調味,配上首度推出的沾麵專用特製爽彈麵條,仲可以自選辣度、麻度,令人想食吃完一口又一口。

值得一讚嘅係今次改良了的沾麵專用麵質,口感俾之前更爽彈,而以麵條掛濃湯方式吃下,配上大火快炒的玉米筍、芽菜及慢火煨成的軟腍肥美叉燒,簡直係一大享受!若吃完麵仍有湯汁剩下,可要求在場添加一碗清湯溝進湯汁,意猶未盡的話可以再點一碗肉飯或白飯倒進去,變成暖胃滋味湯飯,非常適合秋冬食用。

順帶同大家分享一個關於鬼金棒主打的辣麻口味的小知識,客人可以按個人喜好自選不麻不辣或地獄級鬼増級別的辣麻度湯底,設有5種麻度及5種辣度,總共25種湯底變化可任意配搭。不同辣麻程度的湯底會用上日本特製的白、紅、黑陶瓷大碗,白碗代表全無、少許及中等級的辣麻味噌拉麵,紅碗代表大量級,而黑碗則代表地獄鬼増級,用了健力士世界紀錄大全最辣的卡羅萊納死神辣椒,猶如地獄等級的辣度。

另外,一眾無辣不歡嘅朋友要留意,公仔點心新推出了嘅兩款辣味點心:口水雞味魚肉燒賣及麻辣珍珠雞,最啱大家放喺屋企「看門口」。前者是在向來嫩滑嚼勁剛好的魚肉燒賣,配上具畫龍點睛效用的秘製口水雞味醬包,來自四川的口水雞風味,甜酸鹹辣層次鮮明,帶陣陣蒜香,喺屋企都可以食到川式美味。至於麻辣珍珠雞就係喺黏糯香軟嘅糯米飯、豐富的餡料內都加入咗秘製嘅麻辣配料烹調,將鮮辣麻香嘅滋味完美融合喺每一口嘅糯米雞之內。呢兩款辣味點心可於各大指定超級市場有售。

如果係芫茜愛好者的話,一定要試埋芫茜豬肉餃,餡料加入大量芫茜,茜味十足,配以豬肉,再加入增添爽脆口感的馬蹄,無論係放入微波爐加熱、煎煮、蒸定係氣炸都得,芫茜控必試!不過要提提大家,芫茜豬肉餃只有惠康超市獨家發售。

作者:Laurie Wu(愛保健愛旅遊愛購物的熟女)

 

lohaslaurie@gmail.com

關鍵字

最新回應

熱門文章