【樂●活】在港味遊日本

疫情前去日本好鍾意去食的「燒牛丼元祖」東京チカラめしChikara Meshi的首間香港分店日前已經喺旺角開張，即刻約埋一齊去日本的旅伴，去重溫返喺日本的美食時光！

分店位於商場THE FOREST地舖，非常就腳位，主打多達35款日式燒牛肉丼、燒豚肉丼及其他定食，價錢價格由$45起，親民實惠，夠晒親民，喺旺角行完街去食，真係幾有回到日本的感覺。

有別於傳統汁煮牛肉丼，店內所有日式燒肉丼均以鐵板燒即叫即烤，燒至微焦後淋上特製醬汁，香氣撲鼻，而且每塊烤肉均達指定厚度，香烤後口感十足，加上其肉味香濃、肉汁豐盈。店內枱面擺放了醬油、和風汁、沙律汁、辛味醬、山椒粉及七味粉等調味料，大家可以自由配搭燒肉丼享用。

提提大家店內有超過25款日式燒牛肉丼及燒豚肉丼選擇，可隨個人喜好揀選正常份量「並」（普通碗）或肉類增量25%的「大」（大碗），另外仲有定食提供，每款套餐配有白飯、沙律及味噌湯，份量十足。同時更有近10款其他丼飯及定食可供享用，由咖哩飯、唐揚炸雞定食、吉列豬扒定食至重量餃子定食，仲有日本生玉子、溫泉玉子及泡菜等可以加配。

為慶祝THE FOREST波鞋街節，即日（6月26日）至7月13日期間可以優惠價$55元享用東京チカラめし（Tokyo Chikara Meshi）的重量燒牛肉飯或重量燒豚肉飯。

去日本另一必食的一定係當地的魚鮮及貝殼類水產豐盛，而夏天就係品嚐水產的最佳季節。千両由即日起至8月1日會推出期間限定的「夏之餐目」，以3款時令矜貴食材：馬糞海膽、鮑魚及縞鰺作主題，設計了一系列菜式。

夏季盛產的馬糞海膽及鮑魚，各自以不同手法處理，呈現種種令人垂涎欲滴的風味 — 從刺身、壽司、醬炒、汁物等都有，而且仲挑選咗最適合配搭「夏之餐目」的兩款頂級清酒：太平海1314純米吟釀（夏季限定酒）及而今千本錦純米吟釀，突顯海鮮的新鮮滋味。

作者：Laurie Wu（愛保健愛旅遊愛購物的熟女）
[email protected]