【樂●活】可以玩的5G

愈來愈多人轉用5G，但對於5G認識就只停留在「快啲、順暢啲」之上。早幾日，同朋友去咗SmarTone設於環球貿易廣場（ICC）的天際100的「5G Lab」先發現原來5G喺唔同範疇嘅厲害！

5G Lab設有多個展區，以生動有趣的方式，深入淺出地介紹各種5G的廣泛應用，涵蓋智能家居、智能醫療、智能商場、工業安全裝置等範疇，更特設多個打卡位及 5G體驗。

大家可以體驗踩虛擬實境單車，人在室內踏健身單車就恍走到室外，透過5G傳輸可360 度展示Google實景路線，將Google實景轉化成VR單車體驗，隨時踩車，仲可以讓親友遙距加入，一同體驗及享受沿路風景。

實時遙控駕駛體驗就可以體現5G低延時、即時傳輸大量高清影像的傳輸能力，參加者可以在天際100實時遙距駕駛數碼港的車，與其他車手一決高下。

鍾意刺激的話，一定要帶起VR眼鏡進行立體空間，站在搖搖欲墜的棚架上，玩VR棚架Freefall，點都估唔到身在平地都會感受到震撼的離心力！

另一個必玩嘅5G智慧醫療，一邊模擬醫生用控制器遙距協助救護車上的救護員，另一邊模擬急救人員帶上智能手套接受指示進行診斷。

Laurie問過公關，SmarTone客戶可獲免費門票，除本人可獲免費門票，更可免費帶同一位親友入場，但每張門票需付$1行政費。由即日起至6月30日，SmarTone客戶將分批收到短訊通知，只需登入天際100官網，選擇「SmarTone客戶尊享5G科技館門票優惠」，按指定日期在到訪前2至30日預訂免費門票。非SmarTone客戶亦可享門票優惠，由即日起至6月30日，二人同行門票為$100。

作者：Laurie Wu（愛保健愛旅遊愛購物的熟女）
[email protected]