【樂●活】別具特色的電車

今日起（6月28日）正式退役，成為香港人集體回憶。其實電車亦喺1904年起喺港島行駛，同樣陪住好幾代香港人，特別係港島人成長。

近年，電車加入咗唔少新元素，好似夏天好希望遇到佢嘅冷氣電車！Laurie最近就見到「叮叮貓」與「癲噹」電車，當刻趕唔切上車，只係舉起手機影咗張相，之後返上網搵咗啲資料先知道原來呢架30號電車係香港電車與愛護動物協會的一個慈善活動其中一部分。

適逢愛協成立100週年，喺即日起至7月21日舉辦「Better meow慈善獎券RAFFLE」活動，為支援推展保護動物權益籌集經費。凡購買1本(10張)慈善獎券均會獲贈「Meow 給未來」明信片，大家可以時光漫遞形式寄存愛意到未來，給重要的牠/他/她，更會在多個寵物熱點設置「寵物郵箱」只需將明信片投入「寵物郵箱」，就會再按「按照自訂月份」寄出。

每張慈善獎券售價為$20，可以喺愛協網上商店（按此）或者愛協指定領養中心購買，有機會贏取總值$225,210的禮物，而頭獎會係價值$29,000的波爾錶機械錶。除咗慈善獎券之外，更有限量版「Better MEOW」系列紀念，包括SPCA x 「叮叮貓」Q版電車、環保袋及T恤等。

除咗與唔同機構合作，電車亦有不時推出特別版精品及紀念品，好似最近的推出的「香港電車限量版大富翁」，呈現港式情懷，好值得收藏。呢副「香港電車限量版大富翁」連玩法術語都改變，由一般的買地買樓買鐵路站，變成買電車站。呢副大富翁以電車港島東西沿綫標誌性的電車站作為棋盤，配以6款以不同電車型號、車站及配件為造型的棋子，玩家終極目標是買不同車站，成為「電車大亨」！遊戲起點是港島東區太安街（93E），然後沿叮叮西行線途經北角、銅鑼灣、金鐘等地方。至於遊戲中最「寶貴」的2幅深藍色「地皮」在港島商業核心地帶的2個車站，分別是中環畢打街（27E）及租庇利街（25E），十分貼地。6枚棋子就經過精挑細選，包括唯一1輛仍在服務市民的「戰後型」120號電車、2架特色電車（綠色古典電車及全景遊電車）、第1代單層電車、經典電車控制器和有蓋電車站。至於「機會卡」就參考了電車真實營運情況而設計，例如「幸運地乘搭唯一保存至今的『戰後型』120號電車，領M150（遊戲貨幣）」和「免費乘車日，可領M50」，仲有「機會」要繳付電費和保養費的開支。可以喺香港電車官方網站（按此）及Tiny微影香港門市買到。

作者：Laurie Wu（愛保健愛旅遊愛購物的熟女）
[email protected]