【樂●活】為父親大人送上專屬驚喜

噚日去奧海城行街，竟然畀Laurie可以試到自製專屬爸爸的禮品，趁仲有今、明日（6月19及20日）的期間限定的機會為大家介紹一下。

唔知大家知唔知奧海城入面有一個備有多部先進器材的OC STEM Lab創意工作室，包括電腦刺繡縫紉機及皮革壓印機，旨在推動STEM教學及MAKER文化，除咗平時會定期舉辦STEM工作坊外，更推出個人化製作服務，等大家可以親身體驗MAKER文化，喺商場購物後可以按喜好加入個人特色，更顯獨特性。

今個父親節（即日至6月20日）喺奧海城揀完禮物畀爸爸，可憑S+REWARDS及OlympianKids會員可以優惠積分率先試用電腦繡字及皮革壓印服務，於布製產品上繡上名字，更可以在皮革產品上以壓印爸爸的名字，將一件大眾的產品變成個人化的禮物。

 

如果爸爸平時鍾意種植物或者小盆栽的話，建議大家去D2 Place即日起至6月20日舉行的《樹小 ‧ 根心市集》，除咗可以直接買小盆栽送畀爸爸之外，仲可以參加工作坊（按此報名https://forms.gle/62Az72YGP55ss6gT7），為爸爸親手製作專屬的心意，包括「有種人 Kind of Person」的星空主題花盆繪製，可以襯到植物閃閃生輝，仲有「Infectment STORE」 廘角蕨上板，相信爸爸收到一定甜入心！

作者：Laurie Wu（愛保健愛旅遊愛購物的熟女）
[email protected]