【樂●活】帶埋主子齊齊尖叫放輕鬆

2021-04-23 14:00
同朋友去過唔同類型可以帶埋主子齊去的活動,發現喺戶外舉辦市集或者嘉年華,不論現場氣氛、主子的開心程度都係比較好,所以每次見到有呢類型活動,都會約埋朋友一齊去,而今個星期六、日(4月24及25日)又有機會帶埋主子去玩!

淺水灣臨海商場the pulse聯同本地市集單位Life Mart一連兩日舉辦「尖叫吧!寵物嘉年華」,會場分為寵物海景市集、尖叫雞主題遊戲區、尖叫吧!工作坊、尖叫野餐區,以及由本地設計師主導的紙品區及主子歡樂天地。嘉年華更安排了連寵物都可以搭的免費紅Van接送,方便大家可以由灣仔出發直到the pulse,而每位與毛孩主子出席的奴才更可免費獲得尖叫雞玩具用來逗主子開心。

寵物主題市集有超過100個本地品牌參與,由場內布置、禮物以至音樂都與尖叫雞有關,天台更設尖叫雞主題遊戲區供大人、小朋友及毛孩大玩特玩。 除市集檔攤、遊戲區外,嘉年華內有7大工作坊,大家可以對著醉人海景,創作尖叫雞熱縮片飾品、手工雕刻枱燈、拇指琴等,而於the pulse 商場內消費滿$200更可換領DIY尖叫雞耳環包,讓尖叫雞伴你到處找抓狂尖叫。 

講到明係寵物嘉年華,當然有為主子們安排的活活動。主子歡樂天地安排了一系列遊戲及靈感活動,好似和主子一齊參加人寵瑜伽班,與主子一齊做瑜伽兼在無敵海景的加持下來一趟身心靈交流之旅。只要於$150參加費用,並於網址報名及預約(按此)或於商場以電子消費滿$600即可到商場禮賓部免費報名參加,名額有限。

作者:Laurie Wu(愛保健愛旅遊愛購物的熟女)
[email protected]

最新回應

熱門文章