【樂●活】限定快閃優惠

2021-04-14 16:00
如果你同Laurie一樣都鍾意買嘢,就一定要留意朗豪坊由聽日(4月15日)起至5月6日逢星期四舉行ThursGiving!

每個星期商場搜羅不同類別的商戶,推出一日限定半價或買一送一的快閃獨家優惠,明日會以#FoodieThursday打頭陣,提供限定優惠,包括Godiva黑巧克力軟雪糕、Isaac Toast經典火腿芝士吐司、Venchi開心果棒子杏仁白巧克力薄磚等會有買一送一優惠,而Passion馬卡龍禮盒6件裝、火車頭越南餐室的火車頭招牌湯河等就會半價優惠。至於4月22日就會是#OOTDThursday、4月22日及5月6日就分別以#PlayfulThursday及#GlamUpThursday為主題,時裝、皮鞋/手袋、美容、玩具及禮品等精彩優惠都會輪流推出。朗豪坊BEAUTY AVENUE亦將於4月15日至5月2日舉行BEAUTY GALA,超過200款人氣美妝品牌的夏季新品、精選套裝低至4折發售,美妝迷豈能錯過!

MCP CENTRAL & MCP DISCOVERY (新都城中心2期及3期)即日至5月31日期間舉行「消費娛樂孖住賞」睇戲食飯雙重獎賞計劃,只要於場內以電子貨幣購買時尚服飾/配飾、珠寶及鐘錶類別產品,於兩間不同商戶消費滿$1,000即送$100指定餐飲禮券,以及MCL新都城戲院$100電影禮券雙重獎勵。禮券更可「即賞即享」,不需要任何消費條件,可盡情享用中西美食之餘,亦可過足戲癮。H•COINS會員換領禮券後更可額外獲得等同該套發票消費總額的COINS。沙田中心.沙田廣場及屯門時代廣場亦推出春日驚喜獎賞,由即日起至4月30日,只要於商場以電子貨幣即日消費滿$600,即可換領指定商戶價值$100的餐飲禮券。H•COINS會員更可享獨家禮遇,只需消費滿$500即可換領$100餐飲禮券。

另外,ELEMENTS圓方亦於由即日起至5月9日推出春夏繽紛購物賞,於場內消費滿$2,000即可享總值$2,000獎賞,憑指定消費金額,更可享總值高達港幣$8,000 ELEMENTS圓方現金券及商戶禮券,場內多間食肆享用低至半價的堂食優惠!

奧海城2期地下主題中庭就正舉行麵包超人春日祭,即日起至5月2日期間場內會有超過200款麵包超人BB用品、玩具、精品及服飾等以低至8折發售,包括多款優先發售及熱賣產品,S⁺ REWARDS及Olympian Kids會員更可享折扣優惠。場內更設大型麵包超人及細菌人的攝影打卡區、扭蛋專區、不同的玩具優惠推廣區,而且更有玩具試玩區以及自駕遊呠呠車體驗區,當中更有春日祭會場限定的麵包超人集印活動,消費滿指定金額更可獲得會場限定贈品,如多款顏色的麵包超人特色氣球及可愛造型麵包超人紙袋。

作者:Laurie Wu(愛保健愛旅遊愛購物的熟女)

[email protected]

最新回應

熱門文章