教育熱話｜港媽嫌及膝校裙太短 辱罵中五女：你發姣呀？

校服儀容很影響學生予人的觀感，不少家長都認為校裙太短的話，會有欠端莊。有中五女生在「名校Secrets」的Instagram表示，最近需要買新的冬季校裙，由於其他碼數斷貨，因此買了一條長度及膝的校裙，怎料母親知道後震怒，認為新裙太短，更出言辱罵「你發姣呀？」

該女生原本的舊校裙是由中一開始穿着的，期間她的身高由140多cm，增至現時的170cm，因此有買新裙的必要。適逢轉季，她就向母親拿錢買裙，原本她想買長一點的，但沒有適合的碼數，因此買了一條長度到膝蓋一半的校裙，而她也覺得並無不妥，「校裙上嘅校徽係即場縫上去，買左無得退換。」

可是，母親覺得及膝裙太短，是「不潔之物」，不斷嚷着要女兒去更換。女生說服母親不果，但也不敢表明新裙不能退貨，「佢一定鬧死我買野前唔睇清楚（不是第一次）同會上人地埔頭吵（也不是第一次），加上如果佢真係咁介意，我喺唔比佢知嘅情況下，可以用自己錢買過條新，唔比佢知因為佢唔會比我買條新嘅，咁係「哂緊佢啲錢」」

日前母親突然在其他家人面前辱罵女生，「你隻腳咁粗，著條咁短嘅裙出去做乜嘢呀？想露隻腳畀人睇呀？你發姣呀？我啲錢畀你用嚟做啲咁嘅嘢㗎咩？」母親更聲稱會去學校投訴女生，甚至向教育局投訴學校沒有認真處理學生違規事宜。女生覺得難受，也難以理解為何一直與自己關係不錯的母親，會如此介意校裙長短。

女生續稱，每星期的零用錢只有200元，車費佔50元，其餘要用來吃飯，但一條校裙價值140元，其實自己難以負擔。她認為，就算現在跟母親交代清楚校裙其實不能退換，及自己沒有錢買新校裙，母親也不會相信，「覺得我只係為咗要條短啲嘅裙呃佢。佢工作又忙，唔得閒去校服公司嗰度問清楚。」

最後女生懷疑母親可能是更年期才會如此易怒，「但其實佢得4x歲，咁即係佢因為討厭我所以先咁講？」

網友紛紛留言，有人教她處理方法，「應該可以去街市改長度，新買ge校群(裙)通常裙腳可以放長，通常係放一至兩寸左右。咁樣會比起買過一條平好多，你可以去問下價」、「問下有冇同學同你換」。亦有人對母親的態度表達不滿，「你呀媽似有病喎，控制唔到噤樣」、「退咗你阿媽好啲」。不過亦有人認同母親，「呀媽驚你卑人睇蝕曬炸」。

對於校裙長度，不同中學的規定都有差異，有些學校要求到膝蓋的一半，有些則要求覆蓋膝蓋，因此該中五女生的校裙未必不符合校規。母親關心女兒的服飾及品德，是很正常的行為，但過度憤怒或出言辱罵則很不妥。如果對子女有任何期望及要求，都是大家平心靜氣，冷靜溝通解決為妙。

資料來源：名校Secrets Instagram