涉狂斬縱火殺3母女 地盤工哭訴「唔覺意斬到」小朋友

62歲地盤工3年前懷疑比他年輕20載的同居女友「勾佬」，並被嫌棄「人又老錢又無」，失控揮刀狂斬女友過百刀，女友兩名女兒為護母亦身中多刀，其後放火燒屋，3母女終告不治。他否認3項謀殺罪及1項有意圖而縱火罪受審，他在錄影會面中哭訴「諗住攬住個衰女人一齊死」，但「唔覺意斬到」女友兩名女兒，情緒激動地承認「我直情謀殺咗佢哋」，「全部都係我做，我殺晒佢哋」，亦對自己親手殺死3母女一事表示難受及後悔莫及。
警誡下稱「攬住衰女人一齊死」

男被告姚委祥否認於2021年7月12日謀殺溫菊芳、賴夢芯及廖淑媛，及在大埔鄉事會坊美雲樓某單位內，有意圖危害該3母女的生命而用火摧毀涉案單位。

被告在警方警誡錄影會面時承認案發當日拿菜刀斬溫菊芳，並承認殺死了溫，但「唔知點解」亦害死了溫所生的兩名同母異父女兒。他哭稱對兩名女童視如己出，「唔想兩個小朋友死」，自斥「折墮」及「唔死都無用」，「兩個小朋友好凄涼」，「兩個大人嘅事，唔關兩個小朋友事」，「我無心害死兩個小朋友」，「我十世都還唔清」。

被告交代他與溫因打麻將而認識，形容溫「好姣」，衣袒胸露臂，又為人暴躁，欺騙過很多人，「唔死都無用」。而案發當晚被告身穿「逢賭必勝」的紅色內褲，與溫發生口角後被誣衊當時「持刀想斬人」，隨即入廚房拿菜刀，說道「我啲銀紙畀晒你，你要咩都買畀你」，溫卻嫌棄他「人又老錢又無」。
指女友曾騙多人「唔死都無用」

被告聞言揮刀斬溫，溫以手腳及枕頭擋刀，兩名女兒下床護母，要求被告不要斬溫，又指「叔叔唔好呀，媽咪對你好好㗎」，溫亦稱「我無呃過你，唔好斬啦，我會同你過世，同你一齊老」，被告反指「無用㗎，我已經斬緊你」，繼而失控再斬溫多刀，期間「唔覺意斬到」兩名女兒。

被告形容自己當日「失晒控、唔知咩事」，但仍記得溫曾向他說「我哋一家人，唔好咁對我」，他打算放火與3母女同歸於盡，但濃煙令他十分不適，消防員到場破門後他便飛奔離開單位，當時仍聽到3母女大叫救命。當被問及為何把3母女的屍體放在地上按年齡次序疊在一起時，被告表示百思不解，表明他以打火機放火時3母女「攬埋一齊」坐在床上。

死者鄰居陳北賢供稱，案發當晚涉案單位傳出打鬥聲，懷疑發生家暴事件而報警，有小童大叫「出血」 ，女子呼喊「老公唔好啊！救命啊！殺人啊！」當單位有煙霧冒出後他便大叫「火燭！」及抱起8歲女兒離開單位逃生。案件編號：HCCC163/2023