AGA怕變緊張媽咪 未準備好生B

江海迦（AGA）近期推出首張概念專輯《Writer’s Block》，故事圍繞在這座住滿有故事的人的大樓內展開，住客們每個人也面對着一些心裏面糾結的問題。而AGA在起題目時以自己最大的恐懼，創作上遇到樽頸位為靈感。
AGA以4個月時間寫成《Writer’s Block》，首度推出概念專輯，當中11首新作品。江海迦坦言起題目時一直問自己最大的恐懼是甚麼，就是創作上遇到樽頸位，幸好未遇到這個難題，但諗到若然有一日不能寫歌人生會變成怎樣，於是寫成《Writer’s Block》。她說：「Block令我聯想到創作呢棟大廈出嚟！因為我好想藉着一座大廈去講，每一個城市節奏上生活嘅人，每日過得好快，其實每日留畀時間自己係好少，時間留畀自己可能日復日都係為別人或者工作。」
朋友醉酒打電話作靈感
AGA指創作該專輯過程中分別寫了三個不同特點，每個住戶代表在城市中生活遇上一些問題，作為Writer’s Block 203住客的她，講述剛與男友分手結束關係，便推出了主打歌單曲《DRUNK DIAL》。她說：「呢首歌講及她喺party入面飲醉酒後，打電話畀前度嘅一個行為，緊接另一首新歌《Unfamiliar City》係講到失去一個好親密嘅人時候，突然睇呢個城市嘅路，原本日日行嘅地方都變得好陌生，呢兩首歌係連貫故事。」AGA笑言很多創作靈感在電影中或朋友身上發掘，其中新歌《DRUNK DIAL》，就有一位朋友醉酒後不知道會打電話給誰。
AGA去年與擁億萬身家「的士邦」鄭子邦訂婚，談到何時舉辦婚宴？她說：「佢係幾了解我性格嘅人，遇到佢好感恩！我哋三觀好相似，佢知道我對工作熱愛的程度，好早時都同我講等我準備好先。（2025年成事？）我唔知道，婚姻對我來講同依家狀態無分別，覺得兩個人開心最重要。」AGA直言現在未準備做媽媽，反而很仰慕在職媽媽能夠平衡到家庭，但暫時想工作先，並笑謂相信日後自己是一位緊張的媽媽。