陳友大讚 黎瑞恩義氣仔女

黎瑞恩、陳友及張武孝等昨日出席音樂劇《娛樂圈夫人》記者會，首度演出音樂劇的黎瑞恩，表示該劇改編自劇中拍檔陳友的真人真事，因不想失禮而要加強練習。陳友大讚黎瑞恩是義氣仔女，更自費請老師對稿，落足心機。
《娛樂圈夫人》以陳友太太患病為題材，陳友指音樂劇是有關神蹟的故事，他透露10年前太太患病，以為她不久人世的時候，才發現原來她一直等了自己40年。黎瑞恩則謂當初陳友找她演出時，自己看劇本時感動到一路睇一路喊，所以一口答應。同樣有份演出的大AL表示，以前曾做過音樂劇，但他認為今次最難之處，是要唱歌和演戲一齊做。
壓力大曾虛脫病倒
黎瑞恩受訪時表示，做完演唱會後便要開始綵排，沒有休息時間，又指因首次做音樂劇，所以很緊張，在演唱會途中開始讀劇本，因為這不是自己的專長所以有難度：「我唔想失禮，因為呢個係真人真事，做唔好我過意唔去。我都要加強練習，開頭都有壓力，瞓唔到覺，搞到個人虛脫病咗兩日，之後有朋友疏導我，叫我唔使緊張，當開party咁。」
建議阿倫搞音樂劇
陳友指黎瑞恩是義氣仔女，更自費請老師對稿，落足心機，又笑言當初溫拿開演唱會時，大家要等門票賣完才能讓他唱歌，今次得知他搞音樂劇，大家都烏鴉口說：「願上主祝福你。」他又爆譚詠麟也很想看此劇綵排，有否建議對方也開音樂劇？陳友說：「我建議佢開，用佢啲歌唱佢嘅人生，因為佢好多金曲係應該做，如果佢求我，我劇本都可以幫手。」