鄭伊健大爆與Ian秘密關係

鄭伊健、MIRROR成員陳卓賢（Ian）、許恩怡、蔡思韵等主演的新片《久別重逢》，先行發布兩位男主角的前導海報及預告，電影由拍攝至今一直低調，消息曝光令影迷關注，伊健更大爆與Ian之間的密切關係。

陳卓賢（Ian）今次將飾演年輕版的鄭伊健，伊健剖白二人之神秘關係：「呢部戲有兩個蘇昇華，一個係年輕版，另一個就有一番經歷。蘇昇華呢個角色係比較內向，出身於長洲，佢好彩地遇到一個女仔，從而令自己改變，但係因為某啲原因大家又分開咗，蘇昇華從此好似失去咗一樣嘢，然後繼續自己嘅人生。」伊健所指的女角由許恩怡飾演，在片中則與Ian飾演的年輕版男主角，在長洲這個純樸小島共度青春
歲月。
提到今次與Ian因電影而結緣，伊健大爆原來跟二人的歌手身份有密切關係：「演出蘇昇華呢個角色，同陳卓賢有密切關係，一來大家都演同一個角色，二來大家剛好都有歌手呢個身份，加上陳卓賢懂得樂理，好適合演創作人呢個角色。另外，今次電影搵咗我音樂上合作無間嘅好朋友陳光榮參與電影原創音樂部分及提供意見，所以拍攝時就更加事半功倍。」
Ian認角色有自己影子
Ian則透露：「今次我嘅角色係一個好鍾意音樂，但係好似唔識其他嘢嘅人，不善言辭、唔識表達自己，將自己嘅情感同想法放晒喺音樂度，好細個就立志做一個音樂人。」他更坦言角色有自己的一部分影子：「呢個角色同自己有少少相似，大家都唔係太喜歡說話，想將自己嘅想法，擺喺歌曲同旋律入面，唔係好主動好直接咁同人講出口。」今次Ian除了親手寫下插曲外，更為電影歌曲《Tides》擔任主唱、作曲、編曲，並與AP潘宇謙共同作詞。