張竹君追問下 王詩雅兩度改口

港區人大代表洪為民於去年初爆發第五波疫情期間宴請過百人，榮源茶行太子女王詩雅染疫後，涉嫌向生署謊稱由家出發前往「洪門宴」。王詩雅否認4罪，衞生防護中心傳染病處主任張竹君昨於九龍城裁判法院出庭作證，交代曾親自致電查詢王詩雅，對方稱單獨從家出門，到場後一直有戴口罩，追問下改稱曾「拉低過口罩，飲過杯水」，翌日再修正指當日中午曾回到辦公室，再到IFC買禮物。 
衞生防護中心傳染病處主任張竹君以控方證人身份出庭作供，憶述2022年1月6日從下屬得知被告王詩雅提到同月3日曾到灣仔出席生日派對後，「擔心會唔會有好多密切接觸者⋯⋯當時都係謹慎啲，決定自己打去問」。張竹君交代當日早上致電王詩雅，自我介紹後，表明來意指希望了解王詩雅偕何人於何時從何處出發如何前往生日派對遇見何人，提醒對方「講嘢真確性好緊要，唔可以講大話，因為會有法律責任」。
辯方質疑張沒表明違法等

張竹君交代當時沒有詳細說明相關法例，因為「唔會特登好似嚇個病人咁」。辯方大律師黃繼兒盤問時質疑張竹君致電查詢時未有表明違法或判監等，張竹君反駁指認為已經「有足夠嘅警誡」，又指「唔會每一個病人都講一大段法律嘅嘢，我哋唔係警察」。

張竹君複述當時王詩雅透露1月3日前往生日派對前「佢一直喺屋企⋯⋯9點20分左右離開屋企，自己一個人落咗街，截咗架的士，9點半去到生日派對」，到場後見到派對主人，「同佢講咗幾句，逗留咗30至45分鐘左右，同其他十多位人士say個hi，期間一直有戴口罩」。張竹君續指追問下王詩雅改稱曾經「拉低過口罩，飲過杯水」。
修正指回公司再往買禮物

翌日張竹君接獲另一個案，另一名確診者出席了同一個生日派對，但於9時半前離開，故中午再次致電王詩雅，確認二人有否碰面以及實際離開時間，以了解生日派對有否爆發疫情。

張竹君複述王詩雅當時修正指「其實佢1月3號晏晝返咗辦公室，一直逗留到6點」，之後到IFC買禮物，其後回家逗留至晚上9時20分再單獨出門，乘的士9時半左右抵達生日派對。張竹君否認王詩雅曾提及自己先到高樂花園再到生日派對，「如果佢同我講過高樂花園紀錄會寫低」。

辯方連珠炮發指首次對話中張竹君自我介紹後，王詩雅當時問「我點肯定你係張竹君醫生，一日咁多人打電話來」，張竹君回應指「你應該對我把聲有啲印象，呢年幾以來我成日喺電視做記招做代表」，王詩雅再反駁「我本身唔係成日睇電視」，張竹君昨一一否認指「我冇講過呢句說話」。

案件編號：KCS 17697-17699、17701/2022