釣魚命案 死者妻指疑兇與夫素有積怨

「唔可以咁樣揼低我……」北角碼頭爭位釣魚誤殺案，警方重返現場調查，更派出「水鬼隊」潛水蒐證。死者妻子昨接受傳媒訪問時哭訴，疑兇與其丈夫素有積怨，更指碼頭是其地盤，其他人不可在此釣魚，沒料丈夫因此喪命。
「佢話個碼頭係佢嘅」

兩名釣魚郎前午在北角（東）渡輪碼頭因爭位問題爭執，並大打出手，其間兩人兩度失足墮海，61歲男子羅勝壽墮海後溺斃。羅妻與3名親屬，昨早9時許由探員陪同下到達西區域多利公眾殮房認屍，近11時由探員接走。

據悉，羅勝壽生前無兒無女，與妻子相依為命，7年前始置業，與妻子同住北角英皇道441號一單位。羅之前任電梯維修員，因尚要供樓，兩年前退休後轉任地盤散工。羅妻孑然無依，講述丈夫生平時哭得死去活來，捶胸痛哭：「唔可以咁樣揼低我……」

羅妻任職清潔工，如今靠她微薄收入難以供樓。她稱：「我尋晚都未食飯，瞓醒咗覺得佢會返嚟。」其間越說越激動：「打斷佢隻腳，打斷佢隻手，都有人喺度，依家連人都冇。」她涕淚縱橫泣訴：「你話我第日點算？點過日子？我哋唔容易捱到今日有瓦遮頭。」

羅妻續稱，丈夫生前熱愛釣魚，品嘗丈夫的魚獲是兩口子最溫馨片段。她續稱，丈夫與姓陳疑兇有積怨，上周日丈夫往北角碼頭釣魚，陳聲稱該地點屬於他，着丈夫不要佔用其位置，「佢話個地方係佢嘅，個碼頭係佢嘅！」

警方重案組3名探員昨午約2時重返北角碼頭，向魚檔商戶查問有否目擊事發經過，警方「水鬼隊」則潛落水底蒐證。消息稱，由於陳仍留醫，未適宜錄取口供，暫時未掌握案發詳情。