何桂藍重申立場 「一定會否決財政預算案」

（星島日報報道）民主派47人參與「35+」初選，涉嫌計劃立法會過半無差別否決財案被控，16人否認串謀顛覆國家政權罪。被告何桂藍昨於西九龍法院直言「我不嬲強調我一定會否決財政預算案，就算五大訴求落實我都可以否決㗎嘛」，然而除發生不容辯論或沒邀請官員接受質詢等情況外，「我理解唔到點解議會會有議案indiscriminately （無差別）咁投票」。何桂藍完成作供。
副刑事檢控專員萬德豪盤問播放題為《國安法》打到嚟，搞初選為乜？」錄影片段，何同意因初選及立法會選舉的原因，上載有關片段在Facebook供大眾觀看。何桂藍於片段中提到「破局」，「……等到香港嘅(社會)運動氣氛有所平息，等到國際社會嘅目光已經移開咗，北京先至祭出《國安法》慢慢逐個咁樣將我哋去擊破，呢一個就係北京嘅如意算盤。面對佢設下嘅呢一個局，香港人可以點樣破局呢。」

何續指，「……眼前(係)一個不能錯過嘅機會……民主派如果可以喺立法會選舉……攞到35席，攞到立法會過半嘅主導權，我哋就可以逼出一個北京無可能接受到的局面……從而令佢哋用更瘋狂嘅方式去應對，要付出更加高昂嘅政治代價」。 

何稱雖然認為在DQ機制存在下，要取得35+機會不大，仍希望藉不同宣傳呼籲更多人投票，目的要取得最大數量的票數，以向政權造成壓力。何作供指簽署《墨落無悔》屬個人決定，譬如她見到內容的兩點，同意所以簽署。何稱「墨落」兩字，可理解為用筆去簽，墨落在紙上面；何續指，「即係你真係簽咗嘅，所以我唔認同佢係refer緊一啲協調會上面嘅共識，我嘅理解，墨落理應無悔，否則失信於選民，係指呢一份《墨落無悔》聲明。」法官陳慶偉問及，何早前提到將聲明複製，並在Facebook貼上，指何簽署後仍有很多人名，問是否由何加上。何否認並解釋指，「因為大家都響個google doc度copy出嚟嘅，咁然後我會可能隔幾個鐘返去睇有無長到個list，如果有長到，我會copy個update嘅再貼去我度，我都會mark低個時間係邊個嘅版本。」
取最大票數向政權造成壓力

萬德豪指出其串謀他人於立法會過半後無差別否決財案，何桂藍即回應指只有3個情況才會無差別表決議案，分別為2018年時任立法會議員區諾軒獲時任主席批准修正案但不批准辯論時間，直接要求表決，議員在無法審議下投票；其次是2021年頭財委會沒有邀請官員接受質詢及沒有任何辯論之下，便通過8項共300億項目，當時事緣沒有任何建制派議員記得在開會前夕通知相關官員；最後就是像「黃定光瞓咗無睇。」

案件編號：HCCC69/2022