35+目標 要特首下台癱瘓政府

（星島日報報道）「35+」初選案續審，新界西協調會議一名與會者昨於西九龍法院交代當時懷疑初選違法，會前特意買來錄音筆和「細細個嘅攝影器材」，分別「用錄音同埋錄影」記錄會議，「了解吓佢哋搞『35+』話想推翻政府嘛」。片中鏡頭不時搖晃，拍攝者否認偷拍指「我係好光明正大揸住部機周圍影」，亦否認行為受人指使或有收取酬勞。《國安法》實施後同年9、10月左右，拍攝者匿名報案寄出片段。   
第4名控方證人X匿名作供，交代自己2019年底至翌年初多次在泛民飯局中，聽到戴耀廷分享「35+」概念，目的在立法會過半後否決財案來癱瘓政府，逼使特首下台，惟無法憶起飯局中其他任何人。X續指自己當時無政治聯繫，獲人民力量梁家聲邀請，一同出席5月8日新界西協調會議。

署理助理刑事檢控專員羅天瑋透露11段片共長約2小時，庭上播放約6分鐘，部分時間拍到戴耀廷及時任元朗區議會主席黃偉賢，鏡頭經常搖晃，時而倒置，有時拍向枱底或地下。片中戴提及各區討論共同綱領內含條款「會運用《基本法》賦予立法會權力，包括否決財政預算案」，指「新界東用嘅字眼係『會運用』」、「其他區都係用呢個『會積極運用』。」戴又指「話晒我都係憲法專家，將最重要權力寫落去」、「如果我哋否決財政預算案呢，先行到落去下一步」、戴認為將其他如成立獨立調查委員會或使用P&P （《立法會（權力及特權）條例》）、否決撥款等是相對「碎料」，令文件「水蛇春咁長」，希望各位「唔好喺啲細緻嘢拗餐死」。
指無人提過唔畀錄音    

被問到當時公開抑或偷偷攝錄時，X憶述會議「現場無人提過唔畀錄音呢樣嘢」，「我唔知佢哋知唔知，（錄音筆）我就咁擺喺袋度」，攝影器材則「全程攞喺手度，有時擺枱度」。被問到何不使用手機攝錄時，X解釋因為「唔想擺敏感資訊落手機」，而且避免手機受干擾影響拍攝，加上錄音筆清晰得多。X同意片段有時拍向天有時拍向地，被問到鏡頭是否劇烈搖晃時，X解釋當時「揸住喺手度，當時冇特意影邊個，做個記錄」。

X同意自己並非初選組織者或參與者，承認當時拍攝沒有問准組織者或與會人士。《國安法》指定法官李運騰問X是否不欲他人知悉其拍攝，X答「冇話唔想畀人知，當時我攞住部機，相對算大方周圍影」。被質疑偷拍會議不欲為人所知時，X強調「我唔係所謂秘密，我係好光明正大揸住部機周圍影」，亦不認為攝錄會議有侵犯私隱。
不認為攝錄會議侵犯私隱
   

X提到《國安法》實施後9、10月左右，將2個錄音檔和11段片段燒錄光碟，匿名報案寄予警方，翌年兩次錄取證人供詞均由警方主動聯絡自己，直到今年初向警方坦承11段片段由自己拍攝。X否認行為受人指使，指自己自主行事，亦否認有收取酬勞，惟指將來「唔知會唔會畀個好市民獎畀我。」

案件編號：HCCC69/2022