現任丈夫承諾照顧所有子女

（星島日報報道）蔡天鳳遇害後，一直沉默不語的現任老爺一家人，昨終於打破緘默發聲，其中老爺及奶奶表示與她相處十分融洽，形容對方是無血緣關係的「寶貝女」；現任丈夫Chris則承諾照顧好妻子的所有子女。

對於媳婦慘遭殺害，現任老爺和奶奶透過媳婦好友「豹太」，首度心痛發聲，當中奶奶表示：「結咗婚返嚟，女又係佢，新抱又係佢，好尊重我哋兩個，母親節同我生日一定要同我食飯，同埋買禮物畀我，對管家、工人姐姐同司機都好好，從來都無架子。」
翁姑讚「無血緣嘅寶貝女」

現任老爺亦說：「咁多朋友都咁錫佢，佢係一個好錫朋友嘅人，就連司機都讚佢係一個好好好盡責嘅媽咪，對我同媽咪都好尊重、好客氣，我哋一家一齊去下旅行，好融洽，只係一個無血緣嘅寶貝女。」

知情人士透露，蔡天鳳現任丈夫Chris向他人表示：「好開心同感激佢喺我嘅生命出現，帶咗四個咁得意咁聽話嘅小朋友畀我，好扶持我同好愛我嘅一個人，我會承諾照顧好妻子所有子女。Abby生前係一個好好心地好善良嘅人，永遠都想幫人，我覺得邊個做到佢屋企人同朋友，係嗰個人嘅福氣。」據悉，蔡生前多次帶與前夫所生的子女，與現任丈夫所生的子女嬉戲，Chris亦視兩名小朋友如己出。

蔡天鳳與前夫育有一對子女，消息指該兩名子女現由蔡天鳳的母親「五姐」照顧，近日不少網民在其抖音帳號留言慰問，但她未有更新任何動態。

蔡天鳳與郭富城妻子方媛（Moka）私下非常老友，方媛昨在微博發文指：「心情極度悲痛，此刻仍無法接受這是事實！內心難過得無法言喻，只有一千個為甚麼？痛心的情緒至今仍然末能平伏！祈求安息。」