馮檢基否認過氣 指自己有歷史有政績

(星島日報報道)前民協主席馮檢基曾任「泛民飯盒會」召集人，在二〇一八年退出民協。被問到他現在屬甚麼派別，他表示「我只能夠話係，四十年來我同一啲爭取民主人士一路有合作，有去爭取，去到今時今日我都仍然爭取香港應該有民主制度」，「叫咩派你鍾意點叫就點叫囉！」

馮檢基指，現時公屋建屋速度慢，除了認為應提高建公屋的比例，「十年前已經提緊」倡和解放軍商討交換市區軍營，換地建屋，九龍塘軍營、槍會山軍營和石崗機場，在新界區找地方建軍營。他指，石崗機場最重要，除了石崗機場本身可以建屋之外，周邊的建築物也可以建得咁高，相關建議能提供十至二十萬個單位，且大約三年內就能完成，「快過東北呀填海果啲。」

馮檢基曾在二〇一八年一次初選時稱會是他最後一次參選，被問到為何之後仍然繼續參選，他解釋「呢個講過唔算數對人冇傷害」，「唔明點解一句說話大家記幾年，我其他啲好嘢大家唔記下？」

自二〇一五年區議會選舉，連民主派的內部初選，馮檢基共參與過五次選舉，五次均盡墨，他認為每次選舉敗陣有其根本原因，如自己不屬於兩大陣營，是「非戰之罪」。他不認為自己是過氣，認為如果自己的建議過氣先才是真正的過氣，如果僅是「餐餐都馮檢基，聽個名聽到厭」不是過氣。

至於優勝之處，馮檢基指自己自一九七六年，已經在區內做服務，有歷史有政績，笑言「一日識一個人我都識唔少人」。他指出，自己相對地有經驗，認為現時經濟氣候差，「我哋唔可以等啲後生仔學㗎」，「（有人說）畀啲時間佢哋學啦，佢學得一兩年就懂啦啩」，他認為「一入去就要做嘢」，要處理貧窮、長者和房屋問題等，「你仲要等兩三年呀？已經等咗好多年啦！」