美食推介｜羊腩煲關注組推薦 3間羊腩煲人氣之選 冬天暖身必食

隨着氣溫轉涼，不少餐廳都開始陸續推出羊腩煲。羊肉可以說是秋冬進補的佳品，它既可以祛寒，又能夠開胃健脾，如果冬天容易手腳冰冷，那麼吃上一份羊腩煲就絕對沒錯了。不過，燜煮羊肉確實很費時間心思，火候的把握和香料的配搭都甚為重要，所以小編緊貼羊腩煲關注組的最新消息，為大家推薦3間羊腩煲的人氣餐廳。

>> 網民留言

羊腩煲推介

（金玉滿堂） 聞名不如見面，確係正羊腩！食完成煲，睇翻的骨就知物超所值！濃郁得嚟，亦食到黑草羊鮮味，同時亦好足料。

（文記） 大份既羊腩煲 超多羊腩 佢 d皮夠厚 同爽 肉質厚切 食落啖啖肉 羊味都幾騷下仲有 d 入味馬蹄薑蔥 腐竹調味 飲埋啤酒成個感覺好麻甩 正👍🏻

（文記） 份量同味道真係冇得挑剔，羊腩入味夠淋，唔會好似出面咁唔太多腩，又有最喜歡嘅皮！唯一挑剔位就係配料只有枝竹同蔥芹，冇馬蹄。不過我覺得絕對抵食！

（文記） 枝竹羊腩煲係今晚嘅主角。羊腩堆到滿滿，超澎湃。皮好q彈，肉都炆得好夠味。枝竹煮得好滑好軟稔。

（鋒記） 有讚無彈

（鋒記） 唔算平，但勝在足料好味，配料都幾多，有枝竹，冬菇同筍

1. 旺角金玉滿堂
要數羊腩煲關注組中最有口碑的羊腩煲，必然是旺角金玉滿堂的出品，基本上每一個帖文都會有網民推薦這一間，這間店連在Openrice都幾乎清一色好評，很多吃過的食客都表示這間羊腩煲多腩肉又少骨，絕對物超所值！

地址：旺角煙廠街6-20號華新大廈地下14-14A號舖

2. 佐敦文記燒臘飯店
位於佐敦的文記燒臘飯店也是人氣之選，冬天來這裏進餐的食客，很多都是衝着羊腩煲而來，吃過的網民表示這間份量很足，羊腩夠入味，而且肉質又軟腍。

地址：佐敦新填地街1A地下

3. 愛民街鋒記小炒王

坐落於筲箕灣愛民街的鋒記小炒王則比較少人知道，因為它的位置實在偏僻，不過店內的羊腩煲味道出色，也為其累積了一班熟客。

地址：筲箕灣愛民街6至28號新利大廈地下3A舖

 

金玉滿堂（圖源：OpenRice）

文記燒臘飯店（圖源：OpenRice）

鋒記小炒王（圖源：OpenRice）

羊腩煲 （圖源：Pinterest）

羊腩煲 （圖源：Pinterest）

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ