Bagel麵包有益好食｜多種口味食法開心share

有人話Bagel（台灣人稱為貝果）有益健康，但亦有人唔認同，話佢高熱量，其實有食過Bagel都知道，煙韌彈牙嘅口感的確係令人好滿足，因此卡路里確係比普通麵包高少許嘅，不過咁都唔係太大問題，因為好少人會一次過食好多件Bagel，而且亦會寧願選擇喜歡的口味配搭。

BAGEL配水果

講開又講，咁點解Bagel會比一般麵包有質感呢，原來係製作過程中加入了熱水浸泡的環節，就以最近一家歐式烘焙店Paper Stone Bakery推出之歐式貝果系列為例，佢哋利用咗獨有嘅母種（Homemade Mother Dough）及老種，精心製作而成，並以新鮮提子自家培植的天然酵母，而製作麵團時，特意選用了Oatly燕麥奶，經過低溫自然發酵過程，散發出天然歐式烘焙風味。 烘焙師還使用了冷泡蒸氣技術，保持燕麥奶麵團穩定性之餘，同時增加了Bagel的口感。

BAGEL做午餐

至於Bagel的口味，大多數係在製作時已經混合在麵包內，有人會加沙糖蜜糖，亦有人喜歡加不同水果等，而Paper Stone Bakery全新推出的Bagel則有七種口味，如車打芝士燕麥奶貝果、烤煙肉香草燕麥奶貝果，嗜甜味的話則可試試藍莓蝶豆花燕麥奶貝果、紅菜頭小紅莓純燕麥奶貝果或是抹茶紅豆燕麥奶貝果，即使是原味也建議可自行加點cream cheese或果醬，一樣好味。

貝果食法有好多，坊間有專營Bagel的咖啡店，像太古坊的R&R Bagels，可自由組合麵包與餡料。另外位於中上環一帶亦有Bagels Alley，同樣有大量好味的Bagel供客人挑選。各位鍾意食貝果圈圈嘅朋友不妨一試。

Paper Stone Bakery (將軍澳)
地址︰將軍澳唐賢街9號PopCorn商場1樓F27-28號舖

星島新聞集團慶回歸25周年專題網站，請即瀏覽
https://bit.ly/39AQC3m

想睇最新消息，立即 like 頭條日報FB專頁！>>