父親節不死配搭｜朱古力與烈酒 男士最受落?

小編成日都覺得，母親節禮物好容易安排，但一提起父親節就頭痛，因為很多爸爸都唔願意表達自己嘅感受，亦都唔知佢哋鍾意咩。好彩，針對父親節的慶祝活動，坊間有好多酒店提出以美酒或烈酒配搭晚餐、住宿等，而針對蛋糕，就間間餅店都首推朱古力味道嘅甜品，不禁令人聯想，其實天下父親係咪都鍾意飲酒同食朱古力？小編覺得，提到蛋糕呢種甜品，明明係女士比較受落，但正正係因為根本諗唔到爸爸鍾意食咩水果做嘅蛋糕，不如索性揀朱古力，因為朱古力好百搭，十居其九都唔會討厭佢。

咁比利時純黑朱古力拿破崙蛋糕又或者酒心朱古力禮盒，又係咪又吸引到父親大人呢？原來係今年龍島以「My Super Dad」為主題推出的兩款甜品，拿破崙餅分三層，口感層次夠晒豐富，朱古力味又夠濃，呢方面似乎都係啱父親口味，而且呢款蛋糕仲有兩個尺寸俾大家揀，大家庭可以揀個7吋的，細家庭都有5吋選擇。
查詢︰www.lucullus.com.hk

除咗龍島之外，今年agnès b. CAFÉ就推出咗三款嘅父親節蛋糕，當中包括有Opéra朱古力歌劇院蛋糕，蛋糕的外型也像是法國歌劇院之舞台，單是外型已經贏晒。其餘兩大選擇，包括是榛果達克瓦茲蛋糕及芒果拿破崙蛋糕，一樣係法式甜品，如果知道爸爸喜歡榛果或者芒果，就不妨考慮呢兩款。
查詢︰onlineshop.agnesb.com.hk

另外，除咗蛋糕，一些酒店Staycation的套票，同樣是相當吸引，更以爸爸們至受落的美酒做主題，包括四季酒店的「為爸爸舉杯致敬住宿套餐」，入住的朋友就可以享用麥卡倫雙桶 12 年威士忌製作的父親節威士忌朱古力蛋糕，參加麥卡倫虛擬雞尾酒調酒活動，獲得一套麥卡倫雞尾酒製作工具、迷你麥卡倫雪莉桶 12 年威士忌一支及麥卡倫雙耳酒杯一個，並且尊享獲邀到The Macallan Room品嚐威士忌。
查詢︰https://www.fourseasons.com/zh_hant/hongkong/offers/raise-a-toast-to-dad/

想睇最新消息，立即 like 頭條日報FB專頁！>>