健身室重開｜新場咪錯過

嘩!!! 健身室重開第一天的第一個小時，已經有網民發現，裡面有唔少人搶閘做運動，真係好強勁，睇嚟香港人真係好鍾意運動。其實會去健身室嘅人都係好勤力嘅小夥子，我們係好應該俾個讚佢哋。

室內抱石場限定優惠

室內攀石

壓抑咗咁耐，肌肉都鬆弛了，因此今次健身室重開引起大家咁大關注。小編亦好想快啲去做Gym（但至少要等放工先得....哭.....）.......講到呢度，小編亦想介紹返，好多室內嘅運動場其實都已重開，包括室內攀石、抱石一類的運動中心，例如位於新蒲崗及屯門的JUST CLIMB都相繼重開，重開期之內仲推優惠，原來佢哋推出咗年度入場證，一個月費可在四間分店通用（石門及太古暫定在6月上旬開幕），每月$598，年度入場證持有人，仲可以每月邀請一位從未登記過的新朋友免費體驗攀石添!! 至於購證日期，就只係由即日至4月尾咋。
查詢︰https://justclimb.hk/en/

 

全港最大滾軸溜冰場開幕

室內運動場

除攀石之外，好多室內的兒童遊戲室都已經重開，另外，位於Mega Box更出現全港最大嘅專業室內滾軸溜冰學校，講到呢個室內滾軸溜冰場原來一月份已經ready好，只係等緊4月21日可以開門大吉，各位想學滾軸溜冰嘅話，就可以嚟試試呢個新場啦。至於呢個新場有咩特色？首先當然係夠大，佔地有25,000呎，係全東南亞最大的室內滾軸溜冰學校。其次場內的直線長度係超過50米，兼且全場都無柱阻隔，練習玩花式就特別爽。
查詢︰https://roller-school.org/

 

室內射箭場同Anson Lo打卡

ansonlo

提到運動場所，仲有以下一種運動，响香港本來只得戶外場地，但一班熱血份子，好想練習但又唔想受天雨影響，因而決定經營工廈的室內運動場，講嘅就係射箭場啦。好似金信射箭咁.....由長沙灣開到九龍灣，去年年尾仲新增炮台山分店，今日都重開了，炮台山店最近為咗吸引「神徒」們，亦都粉飾到好靚，加咗Anson Lo嘅1:1真人紙板及超大型頭像玻璃牆，一眾學生哥約埋去射箭又可以打下卡，都幾開心喎。
查詢︰http://archeryhk.com/fh/

不過大家記住留意返，入室內運動場所，都需要有疫苗通行證㗎，記得Download定你嘅針咭啦。

立即下載 | 全新《星島頭條》APP : https://bit.ly/3yLrgYZ

更多第5波疫情資訊，請到以下專頁瀏覽
按此  (https://bit.ly/3JqiBzz)