健身室重开｜新场咪错过

哗!!! 健身室重开第一天的第一个小时，已经有网民发现，里面有唔少人抢闸做运动，真系好强劲，睇嚟香港人真系好锺意运动。其实会去健身室嘅人都系好勤力嘅小夥子，我们系好应该俾个赞佢哋。

室内抱石场限定优惠

室内攀石

压抑咗咁耐，肌肉都松弛了，因此今次健身室重开引起大家咁大关注。小编亦好想快啲去做Gym（但至少要等放工先得....哭.....）.......讲到呢度，小编亦想介绍返，好多室内嘅运动场其实都已重开，包括室内攀石、抱石一类的运动中心，例如位于新蒲岗及屯门的JUST CLIMB都相继重开，重开期之内仲推优惠，原来佢哋推出咗年度入场证，一个月费可在四间分店通用（石门及太古暂定在6月上旬开幕），每月$598，年度入场证持有人，仲可以每月邀请一位从未登记过的新朋友免费体验攀石添!! 至于购证日期，就只系由即日至4月尾咋。
查询︰https://justclimb.hk/en/

 

全港最大滚轴溜冰场开幕

室内运动场

除攀石之外，好多室内的儿童游戏室都已经重开，另外，位于Mega Box更出现全港最大嘅专业室内滚轴溜冰学校，讲到呢个室内滚轴溜冰场原来一月份已经ready好，只系等紧4月21日可以开门大吉，各位想学滚轴溜冰嘅话，就可以嚟试试呢个新场啦。至于呢个新场有咩特色？首先当然系够大，占地有25,000尺，系全东南亚最大的室内滚轴溜冰学校。其次场内的直线长度系超过50米，兼且全场都无柱阻隔，练习玩花式就特别爽。
查询︰https://roller-school.org/

 

室内射箭场同Anson Lo打卡

ansonlo

提到运动场所，仲有以下一种运动，响香港本来只得户外场地，但一班热血份子，好想练习但又唔想受天雨影响，因而决定经营工厦的室内运动场，讲嘅就系射箭场啦。好似金信射箭咁.....由长沙湾开到九龙湾，去年年尾仲新增炮台山分店，今日都重开了，炮台山店最近为咗吸引「神徒」们，亦都粉饰到好靓，加咗Anson Lo嘅1:1真人纸板及超大型头像玻璃墙，一众学生哥约埋去射箭又可以打下卡，都几开心喎。
查询︰http://archeryhk.com/fh/

不过大家记住留意返，入室内运动场所，都需要有疫苗通行证㗎，记得Download定你嘅针咭啦。

立即下载 | 全新《星岛头条》APP : https://bit.ly/3yLrgYZ

更多第5波疫情资讯，请到以下专页浏览
按此  (https://bit.ly/3JqiBzz)