星8卦丨「多情种」阿叔3个情妇打崩头 闪人自保继续做沟女王
2023-05-12 10:00 
呢排「多情种」阿叔是非多多，纵容身边人乱咁晒冷，搞到好多人系背后笑到佢面黄。你咪睇佢唔靓仔又生得细粒，但氹女真系有一手。后生佢追到个靓老婆，但又唔知足，喺出面有三厂四厂，甚至五厂。「多情种」最本事系街头收埋一个，街尾包养一个，老婆系街中间彼此都唔知大家存在。
话说有一次，「多情种」如常咁去跑场搵食，殊不知几个女人知道佢喺嗰个地方，以为畀啲惊喜自己嘅男人，约都无咁齐各自坐一张枱捧场。由于大家唔知对方嘅存在，初时都相安无事，衰在其中一位四厂突然跳出嚟送花又挨身挨势，搞到场面好尴尬，仲要令二厂同三厂即刻发现呢个女人同自己嘅男人有瞹昩，一齐冲出嚟同四厂开晒拖。
于是一秒钟内大家明白晒彼此系边位，三个女人唔系善男信女，即刻互相先起口角，继而动武，打到杯碟横飞。「多情种」阿叔一见势色唔对，即刻偷偷地走人，由后门闪咗，毛发丝毫无损。最抵死佢即刻离开香港，换埋电话，等啲女人完全搵佢唔到。男人多情，又享受畀人争，所以「多情种」一直玩得好过瘾！
【相关文章】：
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
關鍵字
最新回应