星8卦丨「花仔」玩到「初心」尽幸得「叔叔」不计较重拾幸福人生

2023-04-11 10:00

「初心」份人一直好单纯，咁多年对「花仔」念念不忘，无非因为呢个男人系自己初恋。正所谓情人眼里出西施，大家都劝「初心」睇下呢个世界仲有其他男人，「花仔」不单年纪大，仲有老婆，而「初心」只系其中一个傻瓜，盲目崇拜佢。

「初心」最习惯系畀「花仔」摆埋一边，有需要就去搵佢发泄下开心下，以「初心」读书又叻，性格温和，绝对唔驶咁糟蹋自己，虽然好多朋友介绍男仔佢识，但佢就死心眼觉得无问题。好彩终于等到「叔叔」嘅出现，「初心」一向缺乏父爱，对后生仔无兴趣，「叔叔」见识多又够江湖，「初心」呢个时候又畀「花仔」搞到周身病，仲要贱到认系自己唔检点，都叫咗「初心」放自己生路，唔好再纠缠。

「初心」已经习惯佢啲贱嘢，回头见到「叔叔」话唔介意自己嘅过去，觉得人生仲有啲希望，而且对方好识锡自己，感觉舒服已唔关乎爱唔爱，半年后仲即刻成家立室，婚后甜蜜蜜，当「初心」如珠如宝。「花仔」碍于「叔叔」嘅人面，初时都有谂过搅搅震，搵人讲好多「初心」对自己几唔放手嘅痴缠，希望激发「叔叔」妒忌心而离弃「初心」。点知「叔叔」乜都讲晒畀老婆知，话就系欣赏佢咁专一痴情，希望馀生佢都可以咁对自己喎！