星8卦丨「贼公」「贼婆」势利靠「纯情」上位后唔识人凑掂鲜肉继续呃
2023-04-28 10:30 
「贼公」「贼婆」有名你叫，梗系两公婆都系最叻偷嘢，而且近年已经系神偷级别。
由于「贼婆」屋企有个钱，未至于大富贵，但对「贼公」呢啲小康之家，都叫做一个好码头。而「贼婆」事事代出头，搞到「贼公」以为自己好劲，乜都高人一等。但只要两公婆睇中目标，又会用心去凑到人哋妥妥当当。「纯情」就系最佳例子，佢成名得早，北上有好多拥趸，「贼公」无乜名气，「贼婆」就谂桥话唔收钱做埋「纯情」经理人，搞到当时「纯情」经理人好唔开心，话两公婆抢得好无道义。从此之后任何表演都系买「纯情」送「贼公」，渐渐储到好多弹药，「贼公」就开始自己搵食，再无早年对「纯情」咁上心，亦唔会再开口埋口话同「纯情」好 friend，更唔会帮佢搵job。
因为佢哋都知道要擦啲新世代鞋，所以开始专埋鲜肉辈，免费度桥介绍Job，又向导演硬推，当正自己系佢哋嘅经理人，由于要放长线钧大鱼，至今都未倾到佣金问题，不过，唔少圈中人就冷眼旁观睇下佢哋几时反面，对咁功利嘅两公婆嚟讲，佢哋班鲜肉辈仲有排生金蛋，等榨乾榨净至踢走都未迟。
【相关文章】：
星8卦丨「才女」自以为靓恨做幕前未如愿 煽动公司一姐失败即炒
《星岛申诉王》于3月1日隆重登场，节目为民请命抱不平、追踪城中热话，亦会搜罗温情小故事。你申诉，我跟进，WhatsApp 91999933，《星岛申诉王》随时候命！
立即报料：https://bit.ly/3IMunqd
你的独家报料一旦被采用及报导，将获得乙份奖品。
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
關鍵字
最新回应