星8卦丨「型佬」娶错老婆刻薄家婆 悭大唔悭细神憎鬼厌
2023-04-04 12:00 
知唔知乜嘢叫做娶错老婆惨过输身家？人办梗系要睇吓「型佬」嘅下场！
想当年「型佬」有个青梅竹马「娇姐」，因为日久生情，女方为佢身家当尽嚟圆梦，贱卖首饰嚟还债，到佢有少少钱就开个人户口收埋啲私己钱，好在「娇姐」醒得快，搵到富二代三年抱两做归家娘。
「型佬」无咗条女仲爽，唔知点解对「乡音」情有独锺，拍拖唔驶几年就将成副身家转落佢名下，屋同现金都冇走鸡，如果畀「娇姐」知道一定激到呕血！
为咗啖气「型佬」三扒两拨就娶咗「乡音」入门，最惨「型佬」以为老婆斯文唔讲嘢，殊不知！所有朋友怕咗呢个女人，因为一见面有佢讲无人讲，总之但凡有「乡音」嘅聚会，大家都避得就避。最抵死系「型佬」以为「乡音」好悭家，最锺意同人讲价，点知连自己个阿妈都斤斤计较，因为阿妈锡「型佬」，日日买餸煮饭，咁啱呢个月两公婆去咗半个月旅行，当家嘅「乡音」竟然只畀半个月家用，激到奶奶喊咁口，但又唔想阿仔心烦，惟有哑忍。
「乡音」最叻应悭唔悭，出去乜都要人平啲，所以佢一直好惊畀人知自己系「型佬」嘅老婆，因为知名人士一定畀人狮子开大口，有违死鱼过一刀嘅本性，所以佢唔肯同老公出席公开场合，费事大家认得佢，都话男人系盲嘅，「型佬」将老婆犯众憎嘅缺点全部放大为不贪名利，知悭识俭，沉默寡言，知书识礼，事实呢个女人贪得无厌，讲是讲非，神憎鬼厌。
【相关文章】：
星8卦丨「家姐」姣媾裙脚仔连生两个得米 避开「势利老窦」自保
《星岛申诉王》于3月1日隆重登场，节目为民请命抱不平、追踪城中热话，亦会搜罗温情小故事。你申诉，我跟进，WhatsApp 91999933，《星岛申诉王》随时候命！
立即报料：https://bit.ly/3IMunqd
你的独家报料一旦被采用及报导，将获得乙份奖品。
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应