路见不平｜卢觅雪睇唔过眼泥鯭被千万镜粉围攻︰人多就声大声大就够恶？

2023-05-11 18:32

RubberBand成员泥鯭日前就姜涛在《CHILL CLUB推介榜年度推介22/23》领「年度男歌手奖」银奖时，在台上向11位队友发表肺腑之言连环出post嘲笑，惹来千万镜粉到其社交平台展开洗版式骂战，血流成河。RubberBand昨晚终发声明，向各受牵连单位及人士致歉。今早（11日）卢觅雪在电台开咪替RubberBand被围攻感不值，更谓每个人都有言论自由，实在睇唔过眼。

雪雪认为每个人都有佢嘅言论自由。

卢觅雪在其商台节目《在晴朗的一天出发》中表示︰「我见到另一团人去道歉，做乜嘢呀，个世界系咪一定要咁样㗎？点解呀？批评唔可以接受嘅﹗我最锺意批评人，日日都有批评人，咁即系点呀，日日都要道歉呀？要话以下不代表商台立场，系咪啊？黐线﹗我睇到火都嚟﹗我学嗰啲人罗，我学啲恶形恶相、网上欺凌嗰啲呀。其实我唔系佢哋歌迷，不过我都睇唔过眼，真系要出声罗﹗都系咁样认为罗，系咪呀，批评一个人，每个人都有佢嘅言论自由﹗」

今早（11日）卢觅雪在电台开咪替RubberBand被围攻感不值。

她续指︰「有啲道歉系『我怕咗你罗，我同你道歉罗』，即系息事宁人，费事烦落去，有手尾跟。」并强调自己只是旁观者，但实在看不过眼︰「其实有啲嘢与我无关，一个人批评一个人，我纯粹系侧边见到佢批评佢，但系因为你批评一个人而遭受到一村人、一群人围攻。『你做乜批评佢呀？』咁我觉得呢个现象不可取﹗人多就声大，声大就够恶，系咪呀？个时代变迁咗，我明白，但系我哋呢啲老派人，睇嘢有自己嘅一套标准。我年纪大，愈见到呢啲嘢愈刺眼，愈唔舒服，觉得点解要咁样呢？我真系唔化㗎，化咗我可以肯定唔会再坐喺度﹗」

节目一出，《晴朗》fb再成新战场，大批网民认为泥鯭「可以批评但不要用粗口人身攻击」、并表示：「批评与人身攻击」是两回事。