星8卦丨「西瓜」出埠食女戒心重手段高一晚三个至够数

2023-04-14 10:00

讲到食女王，近年「西瓜」认咗第二无人敢认第一！吸收咗「盲炳」嘅蠢，「西瓜」都系锺意出埠至满足自己嘅兽欲，「西瓜」叻在利用自己多迷妹，有乜好得过食粉丝悭水悭力，去到边就睇下嚟追星嘅粉丝，啱自己要求就叫经理人出手，当晚就上酒店房搞掂。

每次入房前，经理人都要粉丝放低晒随身行李，十足皇帝以前宠幸妃嫔咁，搜晒身光脱脱咁抬入房，因为盲炳当日就系唔小心俾人设局，搞到一身蚁。入到房「西瓜」都系要对方除晒衫，保证无蛊惑至Happy，佢嘅警戒心之高，亦会同床上嘅女人讲自己真心，希望对方爱自己就唔好乱讲，奇在啲粉丝真系爱到事后唔敢唱，认为咁样系支持偶像嘅行径。

不过令人震惊嘅系可以一晚安排两至三个粉丝上房，「西瓜」精力之惊人，连经理人话估唔佢唔到，所以知道主子心意，都会预备多一两个人选以备不时之需。

之所以咁耐都唔出事，「西瓜」只拣离开家乡愈远嘅城市放纵，返到自己地方，佢就摆出一副只爱男人嘅姿态，令同乡以佢对女人无兴趣，而「西瓜」本人亦对女同行保持礼貌距离，绯闻从未出现过，身家非常清白。

「西瓜」食女手段之高唔讲唔知，因为系家乡佢好高调有位朋男友仔，误导佢嘅性取向，实情呢位仁兄男女都啱，有杀错无放过。