【独家】被TVB新闻部钦点做节目陈贝儿川藏高原患高山症险死

2021-07-22 23:24

最近喺川藏高原缺氧嘅陈贝儿(Janis)得TVB新闻部钦点拍节目，虽然Janis对新节目卖关子，但从访问中可完全感受到她做节目的搏命程度有几高，她说：「由4月尾离港，节目足足拍咗3个月，系有史以嚟离开屋企最长时间嘅一次，而且拍摄地点气候横跨春夏秋冬，我贵为周围去嘅执箧达人，咁有经验都被考起。加上去内地拍摄，半年前已搵咗个来自北京嘅普通话老师单对单恶补，希望幕前表现好啲。」采访：方骞平

对于整个旅程，Janis表示最后一站最难忘，「川藏高原高海拔4000几米，虽然早一星期已开始食药，但仍然有高山反应。当时个头痛到爆炸，心口又翳住痛，呼吸好困难，要好大力先吸到好少氧气入肺，感觉好唔舒服，藏族朋友知道叫我唔可以拖，最后要紧急送院。」

卖命为节目
多得当地朋友提醒，陈贝儿即刻入院，医生告知她好彩送院及时，否则后果好严重。Janis坦言，「成个旅程我都觉得几惊险，而且去到高海拔地方杳无人烟唔会有讯号，有段时间同屋企人失去联络，佢哋都好担心我。」她大笑说：「今次真系姐姐缺氧了！」问到使唔使搵藏区型男嚟做人工呼吸？她忍住笑容回答：「做嘢先做嘢先！」因为要赶返主持奥运，所以只入院吸氧几小时，即喘住气拍埋个尾。对于被TVB视为宝藏嘅新闻部钦点做新节目，她强调冇压力，只有更加努力。