【独家】任小狐獴护理员帮手铲屎 吴肇轩赞好姜涛唔怕竞争

27岁嘅吴肇轩应邀做一日小狐獴护理员，分享动物和保育知识。吴肇轩近年除关注环保，亦好留意香港演艺圈走势，他大赞姜涛：「只要班妹妹迷紧姜涛，佢哋肯由韩国望返嚟香港，本地市场就会愈多机会，咁样成个行业发展落去先会好。」采访：方骞平 摄影：谭壹致 化妆：Bonbon@MOD Makeup Academy 发型：Keith_wong @pi4.com 服装：agnes b. 场地：海洋公园

当日吴肇轩落展区帮手执屎、切红萝卜、徒手将麭包虫入落小狐獴玩具中，而他最关注农药会否破坏生态环境。吴肇轩喜爱小动物，家中养咗两只迷你贵妇狗，主要由爸爸照顾。之前拍《地产仔》时要玩蜥蜴，处男作《哪一天我们会飞》又跟鹦鹉同场：「拍戏要善待动物，我见过一啲人，因为赶时间会粗暴对待动物，我会忍唔住发忟憎『大佬！轻手啲呀！』因为我哋做演员开工有钱收，但动物冇收入，佢哋唔会期待受咁样嘅对待，拍动物戏时间系长，惟有预多啲时间落去。」

最近吴肇轩凭台湾电影《破处》荣获芝加哥独立影展的「最佳演员」奖，是他首个演员奖项。他说最想拍一部类似《春光乍泄》题材的电影，表示反正冇乜包袱，唔介意大胆挑战情欲戏。被刘嘉玲叫做「小梁朝伟」，之前嘉玲姐就安排他同两个Tony Leung(梁家辉同梁朝伟)喺台湾饭聚，同偶像梁朝伟影合照时他紧张到口哑哑，只系话「我好锺意你呀！」吴肇轩形容伟仔真心有型：「当时佢只系点咗个头，就坐返低，哗！我畀佢电到呢。」另外，跟得好贴的他又喜欢姜涛、林家谦及《造星III》云浩影（Cloud）等：「今年有好多《造星》加入艺坛，我又唔怕喎，大家出嚟撼过罗！有竞争先有进步，愈多人才聚集，愈做到更多好嘢，观众就会慢慢聚焦返喺本地娱乐圈！」